About us 2080-11-08

नेपालको पहिलो अन्तर्राष्ट्रिय बिमानस्थल त्रिभुवन अन्तर्राष्ट्रिय विमानस्थल गौचरन काठमाडौं पश्चात नेपालको दोश्रो अन्तर्राष्ट्रिय विमानस्थलको रुपमा स्तरोन्नती भएको गौतमबुद्ध अन्तर्राष्ट्रिय विमानस्थलमा अन्तर्राष्ट्रिय उडानका लागि योग्य भएपश्चात नेपाल सरकार गृह मन्त्रालय, अध्यागमन विभाग अन्तर्गत रहने गरी नेपाल सरकार मन्त्रिपरिषद्बाट मिति २०७६।०८।०३ मा यस कार्यालयको संगठन संरचना सहीतको दरबन्दी/शुरु पद सिर्जना भएको हो। तत् पश्चात मिति २०७८/१२/१४ मा फिल्डमा कार्यालयको स्थापना भई विधिवत् रुपमा कार्यालय सञ्चालनको शुरुवात भएको हो। राजपत्रांकित प्रथम श्रेणीको पदाधिकारी कार्यालय प्रमुख रहने गरी जम्मा ४०(चालिस) जना कर्मचारीको शुरु दरबन्दी स्वीकृत भई कार्य सञ्चालन भइरहेको मा हाल ३० जना कर्मचारी दरबन्दीमा यस कार्यालय सिद्धार्थनगर नगरपालिका वडा नं. ४ र १० स्थित नेपाल नागरिक उड्डयन प्राधिकरणको आगमन भवनमा सञ्चालनमा छ। यस विमानस्थलमा पहिलो उडान जजिरा एयरवेजले २०७९/०२/०२ देखि शुरु गरेकोमा सो एयरवेजले हाल आफ्नो उडान स्थगित गरेको छ भने हाल नेपाल एयरलाइन्सले मलेसियाबाट हप्तामा एक पटक मंगलवार आफ्नो उडान नियमित गरेको छ। अध्यागमन ऐन, २०४९ तथा नियमावली, २०५१ अध्यागमन कार्यविधि, २०६५ र विभिन्न समयमा गृह मन्त्रालय र अध्यागमन विभागबाट भएका परिपत्रको अधिनमा रही आफ्नो कार्यसम्पादन गर्दै आएको छ ।

---

---